గ్రేట‌ర్ విశాఖ‌ప‌ట్నం ఎన్నిక‌ల్ల బ‌రిలోకి జ‌న‌సేన ?

గ్రేట‌ర్ విశాఖ‌ప‌ట్నం ఎన్నిక‌ల్లో కూడా ప‌వ‌న్ క‌ళ్యాణ్ బ‌రిలోకి దిగుతాడ‌ని న్యూస్ హ‌ల్ చ‌ల్ చేస్తోంది. జ‌న‌సేన కార్య‌కర్త‌ల‌మ‌ని చెప్పుకునే కొంద‌రు యూత్ లీడ‌ర్స్ వైజాగ్ లో ఇప్పుడు నానా హంగామా సృష్టిస్తున్నారు. వైజాగ్ మున్సిప‌ల్ ఎన్నిక‌ల్లో జ‌న‌సేన పార్టీ పోటీ చేస్తుంద‌ని ప‌వ‌న్ సార్ గ్రీన్ సిగ్న‌ల్ ఇచ్చేసార‌ని క‌న్ఫామ్ చేసేస్తున్నారు. ఇక ప‌వ‌న్ స్టార్ మాత్రం ఇప్ప‌టివ‌ర‌కూ వైజాగ్ లో పోటీ చేసే విష‌యంలో ఒక ప్ర‌క‌ట‌న కూడా చేయ‌లేదు. గ‌తంలో మున్సిప‌ల్ ఎన్నిక‌లను లైట్ తీసుకునే వారేమో కానీ ఇప్పుడు ఆ ఎన్నిక‌లు పార్టీలకు అత్యంత ప్ర‌తిష్టాత్మ‌కంగా మారాయి. కీల‌క న‌గ‌రాల్లో పాగా వేస్తే రాజ‌కీయంగా తిరుగు ఉండ‌ద‌నే వాస్త‌వాన్ని పార్టీలు గుర్తించాయి. గ్రేట‌ర్ హైద‌రాబాద్ ఎన్నిక‌ల్లో ఇలానే పార్టీలు త‌మ స‌ర్వశ‌క్తుల‌ను ఒడ్డాయి. ఆంధ్ర‌ప్ర‌దేశ్ ఆర్థిక రాజ‌ధానిగా పేరుగాంచిన విశాఖ కూడా పార్టీల‌కు ప్ర‌తిష్టాత్మ‌క‌మే. అందుకే టీడీపీ, వైసీపీ స‌హా ఇత‌ర ప్ర‌ధాన పార్టీలు వైజాగ్ పీఠంపై క‌న్నేశాయి. అందుకే ఇప్ప‌టినుంచే ప్రణాళిక‌లు ర‌చిస్తున్నాయి. మాజీ ఎంపీ , గ‌తంలో వైజాగ్ మేయ‌ర్ గా ప‌నిచేసిన స‌బ్బం హ‌రికి గాలం వేసేందుకు అటు బీజేపీ, ఇటు టీడీపీ విశ్వ ప్ర‌యత్నాలు చేస్తున్నాయి. ఇప్ప‌టికే ర‌క‌ర‌కాల స‌మీక‌ర‌ణాలు, నాయ‌కులు, వ్యూహాలు ఇలా ప్ర‌ధాన రాజ‌కీయ పార్టీలు వైజాగ్ లో మోహ‌రించాయి. ఇలాంటి ప‌రిస్థితుల్లో ఇప్ప‌టి సింగిల్ వ్యూహం కూడా లేని, అస‌లు ఇప్ప‌టివ‌ర‌కూ పోటీ చేస్తారో చేయారో తెలియ‌ని జ‌న‌సేన‌ పార్టీ విశాఖలో జెండా ఎలా పాత‌గ‌ల‌దు అన్న అనుమానాలు వ్య‌క్త‌మ‌వుతున్నాయి. మ‌రోవైపు రాజ‌కీయ పార్టీలు కూడా ఇదే విష‌యాన్ని చెప్తున్నాయి. ప‌వ‌న్ క‌ళ్యాణ్ మేనియా వైజాగ్ లో ప‌నిచేయ‌ద‌ని, వ‌ల‌స‌లు ఎక్కువ‌గా ఉండే ఈ న‌గ‌రంలో భిన్న రాజ‌కీయ వ్యూహాలే ప‌నిచేస్తాయ‌ని చెప్తున్నారు.

విశాఖకు సముద్ర జలాల్లోకి ఉగ్రవాదులు !!

నవ్యాంధ్రలోని ప్రధాన నగరం విశాఖపట్నం ఇప్పుడు తీవ్రమైన ఉగ్రముప్పును ఎదుర్కొంటోందని నిఘా వర్గాలు హెచ్చరిస్తున్నాయి.  ముంబైలో జరిగిన 26/11 తరహా దాడులు విశాఖపై జరగవచ్చని ఇంటిలిజెన్సు అధికారులు హెచ్చరిస్తున్నారు. లష్కరే తోయిబా (ఎల్‌ఇటి), జైషే మొహమ్మద్ (జెఇఎం), ఐఎస్‌ఐఎస్ వంటి ఉగ్రవాద సంస్థలు విశాఖపై గురిపెట్టినట్టు ఇంటిలిజెన్స్ నివేదికలు చెబుతున్నాయి.  శ్రీలంకలో ఇటీవల ఐఎస్‌ఐఎస్ ఏజెంట్లను అరెస్ట్ చేసి, వారిని విచారిస్తున్నప్పుడు ఉగ్రవాదులు విశాఖను టార్గెట్ చేసుకున్నట్టు సమాచారం ఇచ్చారు. దీంతో ఇంటిలిజెన్స్ అధికారులు భద్రతా దళాలను అప్రమత్తం చేశారు. 

విశాఖలో తూర్పు నౌకాదళ ప్రధాన కార్యాలయం ఉంది. తీర భద్రతతో నౌకాదళం నిరంతరం అప్రమత్తంగానే ఉంటోంది. తూర్పు నౌకాదళం కేంద్రంగా యుద్ధనౌకలు, జలాంతర్గాములు ఎప్పుడూ అక్కడే లంగరు వేసి ఉంటాయి. దీన్ని ఆనుకునే పోర్టు, హార్బర్ ఉన్నాయి. అలాగే గంగవరం పోర్టు, స్టీల్‌ప్లాంట్, ఎన్‌టిపిసి ఉన్నాయి. ముఖ్యంగా ఉగ్రవాదులు నౌకాదళ స్థావరాలను టార్గెట్‌గా చేసుకున్నారని ఇంటిలిజెన్స్ నివేదికలో పేర్కొన్నట్టు తెలిసింది. 

విశాఖకు సముద్ర జలాల్లోకి శ్రీలంక, బంగ్లాదేశ్ నుంచి ఉగ్రవాదులు చొరబడేందుకు అవకాశాలు ఉన్నాయని ఇంటిలిజెన్స్ అధికారులు భావిస్తున్నారు. ఇప్పటికే స్లీపర్ సెల్స్ విశాఖలో సంచరిస్తున్నట్టు ఇంటిలిజెన్స్ అధికారులు ముఖ్యమంత్రికి నివేదిక పంపించారు. విశాఖలో భద్రతా పరంగా కొన్ని లోపాలున్నాయి. వాటిని సవరించుకుంటూ అప్రమత్తంగా ఉండాలంటూ ఇంటిలిజెన్స్ అధికారులు హెచ్చరించారు. అలాగే షాపింగ్ మాల్స్, జన సమ్మర్థం ఉన్న ప్రదేశాల్లో భద్రత, నిఘాను ముమ్మరం చేయాలని ఇంటిలిజెన్స్ అధికారులు ఆ నివేదికలో సూచించినట్లు తెలిసింది. దీంతో విశాఖ, పరిసర గ్రామాల్లోని సాగర తీరంపై నిఘా పెంచుతున్నారు. అంతేకాకుండా సిటీలో కూడా తనిఖీలు పెంచారు

వైసీపీ గడపగడప సర్వేపై మండిపడ మంత్రి పత్తిపాటి పుల్లారావు

గుంటూరులో ఆయన విలేకరులతో మాట్లాడుతూ వైసీపీ గడపగడప సర్వేపై మండిపడ్డారు. తమ ప్రభుత్వంపై ప్రజాభిప్రాయ సేకరణ చేసే నైతికహక్కు వైసీపీకి - జగన్ కు లేదని అన్నారు. తొలుత తన పనితీరు - తనపై ఉన్న అవినీతి ఆరోపణలు - ఆస్తుల ఆటాచ్ మెంట్ పై ప్రజాభిప్రాయ సేకరణ చేపట్టాలని పత్తిపాటి సూచించారు. తాము ఎన్నికల్లో ఇచ్చిన అనేక హామీలు నెరవేర్చామని రానున్న మూడేళ్లలో మరికొన్నింటిని నెరవేర్చుతామని చెప్పారు. తమ ప్రభుత్వానికి వ్యతిరేకంగా గడపగడపకూ వెళితే జగన్ కు - ఆయన పార్టీ నాయకులకు ప్రజలు తగిన బుద్ధి చెబుతారని పుల్లారావు అన్నారు. వైసీపీని విడిచి ఎమ్మెల్యేలు ఎందుకు వెళ్లిపోయారో? నీ ప్రవర్తన ఎలా ఉందో? ప్రజల్లోకి వెళ్లి తెలుసుకోవాలని జగన్ కు హితవు పలికారు. అంతగా జగన్ కు ప్రజాబలం ఉందని భావిస్తే ఆ పార్టీకి చెందిన ఎమ్మెల్యేలు రాజీనామా చేసి ఎన్నికల్లోకి వెళ్లాలని ఆయన సూచించారు. ఆ ఎమ్మెల్యేలు నెగ్గితే జగన్ ప్రజాబలంపై స్పష్టత వస్తుందని అన్నారు. రెండేళ్ల టీడీపీ పాలనలో చేపట్టిన అభివృద్ధి కార్యక్రమాలపై ఎక్కడైనా చర్చకు సిద్ధమని పుల్లారావు పేర్కొన్నారు. కాంగ్రెస్ హయాంలో అవినీతికి పాల్పడినవారిలో అనేక మంది జగన్ వద్దే ఉన్నారని వారి గురించి ప్రజాభిప్రాయ సేకరణ చేయాలని మంత్రి సూచించారు.

ఏపీ రాజధాని ప్రాంత ప్రజలకు ఊహించలేని ఒక కానుక

ఏపీ రాజధాని అమరావతి పరిధిలోని దారిద్ర్య రేఖ దిగువన ఉన్న కుటుంబాలకు ఏడాదికి రూ.2.5లక్షల వరకు అవసరమైన వైద్య సౌకర్యాన్ని ఉచితంగా అందజేయాలని నిర్ణయించింది. ఈ పథకంలో దాదాపు 1100 వరకూ శస్త్రచికిత్సల్ని అందించనున్నారు. అయితే.. ఈ ఆఫర్ 2014 డిసెంబరు 8వ తేదీ నాటికి అమరావతి (సీఆర్ డీఏ పరిధిలోని ప్రాంతం)లో నివసించిన వారికి మాత్రమే అందనుంది.ఈ వైద్య సేవల్ని ఎన్టీఆర్ వైద్య సేవ ట్రస్ట్ కింద అందించనున్నారు. ఐదేళ్ల పాటు అమరావతి ప్రాంతంలోని బీపీఎల్ కుటుంబాలకు ఉచితంగా వైద్య సేవల్ని అందించాలన్న నిర్ణయం.. అక్కడి ప్రజల్ని ఆనందానికి గురి చేయటం ఖాయంగా చెబుతున్నారు. ఇక.. పేదలకు వైద్యసాయం చేసే ఎన్టీఆర్ వైద్యసేవ ట్రస్ట్ కు సీఆర్ డీఏ చెల్లింపులు చేయనుంది. బాబు సర్కారు తీసుకున్న తాజా నిర్ణయం రాజధాని ప్రాంత పరిధిలో నివసించే పేదలకు తీపి కబురు అవుతుందనటంలో సందేహం లేదు. తప్ప మిగిలిన వారంతా చాలా హ్యాపీగా ఉన్న పరిస్థితి. తమ జీవితంలో ఎప్పుడూ ఊహించలేనంత మార్పు రావటం.. ఏపీ భవిష్యత్తు మొత్తం తమ లోగిళ్లలోనే తయారయ్యే అద్భుత అవకాశం దక్కటం వారిని ఆనందంతో ఉక్కిరిబిక్కిరి చేస్తున్న సంగతి తెలిసిందే. అయితే.. ఆనందపడేవాళ్లు ఆనందపడుతున్నా.. రాజధాని రావటంతో పచ్చటి పొలాలు మాయమై మొత్తం కలుషితంగా మారిపోతుందని భయంతో బాధపడే వారు లేకపోలేదు. ఇదిలా ఉంటే.. ఏపీ రాజధాని ప్రాంత ప్రజలకు ఊహించలేని ఒక కానుకను ప్రకటించి విస్మయానికి గురి చేసిందని చెప్పాలి.ఏపీ రాజధాని అమరావతి పరిధిలోని దారిద్ర్య రేఖ దిగువన ఉన్న కుటుంబాలకు ఏడాదికి రూ.2.5లక్షల వరకు అవసరమైన వైద్య సౌకర్యాన్ని ఉచితంగా అందజేయాలని నిర్ణయించింది. ఈ పథకంలో దాదాపు 1100 వరకూ శస్త్రచికిత్సల్ని అందించనున్నారు. అయితే.. ఈ ఆఫర్ 2014 డిసెంబరు 8వ తేదీ నాటికి అమరావతి (సీఆర్ డీఏ పరిధిలోని ప్రాంతం)లో నివసించిన వారికి మాత్రమే అందనుంది.ఈ వైద్య సేవల్ని ఎన్టీఆర్ వైద్య సేవ ట్రస్ట్ కింద అందించనున్నారు. ఐదేళ్ల పాటు అమరావతి ప్రాంతంలోని బీపీఎల్ కుటుంబాలకు ఉచితంగా వైద్య సేవల్ని అందించాలన్న నిర్ణయం.. అక్కడి ప్రజల్ని ఆనందానికి గురి చేయటం ఖాయంగా చెబుతున్నారు. ఇక.. పేదలకు వైద్యసాయం చేసే ఎన్టీఆర్ వైద్యసేవ ట్రస్ట్ కు సీఆర్ డీఏ చెల్లింపులు చేయనుంది.

ఏపీకి ప్రత్యేక హోదా ఇవ్వటాన్ని తమిళనాడు.. కర్ణాటక.. బీహార్ రాష్ట్రాల ముఖ్యమంత్రులు వ్యతిరేకం ?

ఏపీకి ప్రత్యేక హోదా విషయంలో వెంకయ్య ఇచ్చిన హామీ.. 2014 ఎన్నికల సమయంలో మోడీ స్వయంగా చేసిన వ్యాఖ్యలు ఏపీ ప్రజల మనసుల్లో ఇంకా పచ్చిగానే ఉన్నాయి. ఆ విషయాన్ని మరిచిపోయి.. ప్రత్యేక హోదా సాధ్యం కాదన్న విషయాన్ని బీజేపీ నేతలు కొంతకాలంగా పరోక్షంగా వ్యాఖ్యలు చేయటం తెలిసిందే. ఈ మధ్యన కేంద్రమంత్రులు ఏపీకి ప్రత్యేక హోదా అవసరం లేదన్న విషయాన్ని ఏకపక్షంగా తేల్చేయటంపై తీవ్రఆగ్రహాలు వ్యక్తమయ్యాయి. ప్రత్యేక హోదా మీద కేంద్రమంత్రులు చేసిన వ్యాఖ్యలపై ఏపీ అధికారపక్ష నేతలుసైతం తీవ్రంగా మండిపడుతూ.. మోడీ సర్కారుపై విమర్శనాస్త్రాల్ని సంధించటం తలిసిందే. ఇదిలా ఉంటే.. ఈ వ్యవహారంపై కేంద్రమంత్రి.. తెలుగుదేశం పార్టీ సీనియర్ నేత అశోక్ గజపతి రాజు చిత్రమైన విషయాల్ని చెప్పుకొచ్చారు. ఏపీకి ప్రత్యేక హోదా అంశాన్ని విభజన బిల్లులో చేర్చి ఉంటే సరిపోయేదని..ఆ పని కాంగ్రెస్ చేయలేదంటూ విమర్శలు చేస్తున్నగజపతి రాజు.. ఏపీకి ప్రత్యేకహోదాను ముగ్గురు ముఖ్యమంత్రులు వ్యతిరేకిస్తున్నారంటూ కొత్త విషయాన్ని తెర మీదకు తెచ్చారు. ఏపీకి ప్రత్యేక హోదా ఇవ్వటాన్ని తమిళనాడు.. కర్ణాటక.. బీహార్ రాష్ట్రాల ముఖ్యమంత్రులు వ్యతిరేకిస్తున్నారని చెప్పుకొచ్చారు. విభజన బిల్లులో కానీ ప్రత్యేక హోదా అంశాన్ని చేర్చి ఉన్నట్లైయితే..ఎలాంటి ఇబ్బంది ఉండేది కాదని.. ఎవరూ అడ్డుకునే వారు కాదంటూ కొత్త రాగం తీయటం విశేషం. పెద్దమనిషిగా కనిపించే అశోక్ గజపతి రాజు చెప్పిన మాటలు వింటున్న కొందరికి షాక్ తగులుతున్న పరిస్థితి. ఎందుకంటే.. అశోక్ గజపతి మాటలే నిజం అనుకుంటే.. విశాఖకు రైల్వే జోన్ అంశం విభజన చట్టంలో స్పష్టంగా ఉంది? మరి.. కేంద్రం గడిచిన రెండేళ్లుగా ఈ విషయాన్ని ఎందుకు తేల్చటం లేదు? పోలవరం ప్రాజెక్టు నిర్మాణ బాధ్యత విభజన చట్టంలో ఉంది. మరి.. దానికి చిల్లర పైసలు విసురుతున్నట్లుగా నిధుల కేటాయింపు ఉంది. ఎందుకలా జరుగుతుంది? ఇవే కాదు.. విభజన కారణంగా ఏర్పడే ఏపీ లోటును పూడ్చాలంటూ చాలా స్పష్టంగా విభజన చట్టంలో ఉంది. ఇలాంటి ప్రశ్నలకు అశోక్ గజపతి సమాధానాలు చెబితే బాగుంటుంది. 

అనంతపురంలో నిరవధిక దీక్షలు

వామపక్షాల ఆధ్యర్యంలో ప్రదర్శనలు - సీనియర్‌ నేతలతో చంద్రబాబు భేటీ - ఆందోళనలకు సిద్ధమౌతున్న వైసిపి, కాంగ్రెస్‌ ప్రజాశక్తి - యంత్రాంగం రాష్ట్రంలో ప్రత్యేకహోదా, విభజన హామీల అమలు అంశం వేడెక్కుతోంది. అన్ని వైపుల నుండి ఒత్తిడి పెరుగుతుం డటంతో రాష్ట్ర ప్రభుత్వమూ ఈ విషయంపై మాట్లాడక తప్పనిస్థితి ఏర్పడుతోంది. అనంతపు రంలో ఆదివారం నాడు ప్రత్యేక హోదా సాధన సమితి ఆధ్వర్యంలో నిరవధిక దీక్షలు ప్రారంభమైనాయి. సిపిఎం రాష్ట్ర కార్యదర్శి పి. మధు, సిపిఐ రాష్ట్ర కార్యదర్శి రామకృష్ణ ఈ కార్యక్రమానికి హాజరయి తమ సంఘీభావం ప్రకటించారు. పలు ప్రజాసంఘాలు ఈ ఆందోళనలకు మద్దతు తెలిపాయి. వామపక్షాల ఆధ్వర్యంలో రాష్ట్ర వ్యాప్తంగా వివిధ ప్రాంతాల్లో విభజన హామీలు అమలు, ప్రత్యేక హోదాల సాధన కోసం ప్రదర్శనలు సాగాయి. వైసిపి, కాంగ్రెస్‌ పార్టీలూ పెద్ద ఎత్తున ఆందోళనలకు సిద్ధమౌతున్నాయి. మరో వైపు ముఖ్యమంత్రి చంద్రబాబు నాయుడు టిడిపికి చెందిన సీనియర్‌ నేతలతో సమావేశమైనారు. హోదా సాధన కోసం కేంద్ర ప్రభుత్వంపై ఒత్తిడి తీసుకురావాలని చెబుతూనే, విమర్శలు చేయవద్దని సూచించారు. కేంద్రం ఇప్పటిదాకా రాష్ట్రానికి ఇచ్చిన నిధుల వివరాలకు సంబంధించి సమగ్ర నివేదిక తయారుచేయాలని ఆదేశిం చారు. అదే సమయంలో కేంద్ర మంత్రిమండలి నుండి బయటకు వస్తే ఎటువంటి ప్రయోజనమూ ఉండదని ఆయన అన్నారు. కేంద్ర ప్రభుత్వానికి వ్యతిరేకంగా మాట్లాడవద్దన్న ముఖ్యమంత్రి చంద్రబాబునాయుడి ఆదేశాలు ఎలా ఉన్నప్పటికీ అక్కడక్కడ అధికార పార్టీలోనూ నిరసన స్వరాలు వినిపిస్తున్నాయి. అధికారికంగానూ, అనధికారికంగానూ ఆ పార్టీ నేతలు తమ అసంతృప్తిని వ్యక్తం చేస్తూనే ఉన్నారు. డిప్యూటీ ముఖ్యమంత్రి కెఇ కృష్ణమూర్తి కర్నూలులో విలేకరులతో మాట్లాడుతూ కేంద్ర ప్రభుత్వం రాష్ట్రాన్ని చిన్నచూపు చూస్తోందని విమర్శించారు. తాము ఎంత సర్ధుకుపడి పోవాలని ప్రయత్నిస్తున్నా ఫలితం ఉండటం లేదని చెప్పారు. కేంద్ర మంత్రులు నీతిఅయోగ్‌ అంటూ హోదా అంశాన్ని వాయిదా వేస్తున్నారని విమర్శించారు. కేంద్ర పౌరవిమానయాన శాఖ మంత్రి అశోక్‌గజపతి రాజు మాట్లాడుతూ రాష్ట్రం ఇప్పటికే ఇబ్బందుల్లో ఉందని, హోదా ఆలస్యమయ్యే కొద్దే సమస్యలు మరింత పెరుగుతాయని చెప్పారు. తమిళనాడు, కర్నాటక, బీహార్‌ ముఖ్యమంత్రులే రాష్ట్రానికి ప్రత్యేక హోదా రాకుండా అడ్డుకుంటున్నారని చెప్పారు.

టీడీపీని లైట్ తీసుకోవద్దు

మేము సైలెంట్ గా ఉంటామనుకోవద్దు. ప్రత్యేక హోదా ఇవ్వకపోతే దానికోసం రాష్ట్రంలో మళ్ళీ ఉద్యమాలు మొదలవుతాయి. ముందు హామీలు ఇచ్చి ఇప్పుడు మాట తప్పితే ఊరుకోము. రెండేళ్లుగా ఇదిగో..అదిగో..అంటూ మీ చుట్టూ తిప్పించుకొని చివరకి ఇవ్వలేము అని చల్లగా చెప్పడం సరికాదు. ప్రత్యేక హోదా విషయంలో కేంద్ర ప్రభుత్వం రాష్ట్రాన్ని చాలా వేధిస్తోంది. నా ఉద్దేశ్యంలో కేంద్ర మంత్రులు అరుణ్ జైట్లీ, వెంకయ్య నాయుడు ఇద్దరూ దీనికి బాధ్యులు. ప్రత్యేక హోదా ఇవ్వలేకపోతే ముందు వారిద్దరూ తమ పదవులకు రాజీనామా చేయాలి. ఇంకా మా సహనాన్ని పరీక్షించవద్దని కేంద్రానికి విజ్ఞప్తి చేస్తున్నాను," అని టీడీపీ నేత, ఎమ్మెల్సీ ముద్దు కృష్ణమనాయుడు హెచ్చరించారు. ఆంధ్రప్రదేశ్ కి ప్రత్యేక హోదా ఇవ్వలేమని కేంద్రం తేల్చి చెప్పడంతో బీజేపీకి మిత్రపక్షంగా సాగుతున్న టీడీపీ కూడా ప్రతిపక్షాలతో గొంతు కలిపి కేంద్రాన్ని విమర్శించడం మొదలుపెట్టింది. కేంద్రం ప్రత్యేక హోదా ఇవ్వబోదనే విషయం టీడీపీకి ఈరోజు కొత్తగా తెలిసిన విషయమేమీ కాదు. "ముఖ్యమంత్రి చంద్రబాబు నాయుడుకి ఈ విషయం ఎప్పుడో తెలుసు కానీ దానిని బయటకి చెప్పడం లేదు. అందుకే ఆయన హోదాకి బదులు ప్రత్యేక ఆర్ధిక ప్యాకేజి అడుగుతున్నారు" అని ఏడాది క్రితం అదే పార్టీ ఎంపీ జేసి దివాకర్ రెడ్డి కుండబద్దలు కొట్టినట్లు చెప్పారు. చంద్రబాబు నాయుడుతో సహా తెదేపా నేతలందరూ కూడా ఈ సంగతి ఇప్పుడే తమకు తెలిసినట్లు నటిస్తూ ప్రజలని, ప్రతిపక్షలని మభ్యపెట్టేందుకు కేంద్రంపై ఆగ్రహం వ్యక్తం చేస్తున్నారు. బీజేపీ మంత్రుల రాజీనామాలు కోరిన ముద్దు టీడీపీ కేంద్రమంత్రులు అశోక్ గజపతి రాజు, సుజనా చౌదరి రాజీనామాల గురించి మాట్లాడలేదు. ఒకవేళ ఈ వేడి ఇలాగే కొనసాగితే ప్రజలను సంతృప్తి పరిచేందుకయినా వారిద్దరి చేత రాజీనామాలు చేయించవచ్చు. 

మోదీని ఏమీ అనకండి: చంద్రబాబు నాయుడు

ఏపీకి నష్టం వాటిల్లేలా ఏదైనా జరిగితే తెలంగాణ నేతలతో పోలుస్తూ ఏపీ నేతల్ని తిట్టిన తిట్టు తిట్టకుండా తిట్టేస్తుంటారు. ఏపీ నేతలు పారిశ్రామికవేత్తలు కావటంతోనే వారు గళం విప్పలేకపోతున్నారని మండిపడుతుంటారు. ఏపీ నేతల్లో రాజకీయం పాళ్లు తక్కువని.. వ్యాపార ధోరణే ఎక్కువన్నట్లుగా వ్యాఖ్యలు వినిపిస్తుంటాయి. అయితే.. తమకు అవకాశం ఇవ్వాలే కానీ.. ఎదుటోడు ఎలాంటోడైనా సరే తాట తీస్తామన్నట్లుగా ఏపీ తమ్ముళ్లు గడిచిన రెండు.. మూడు రోజులుగా చెలరేగిపోతున్న తీరు చూసినోళ్లు ఆశ్చర్యపోవటం తెలిసిందే.  

ఏపీకి ప్రత్యేకహోదా లేదని కేంద్రమంత్రి లోక్ సభలో తేల్చేయటం.. ఏపీకి ఇంత అన్యాయం చేస్తారా? అన్న మాటను మిత్రులన్న మొహమాటాన్ని పక్కన పెట్టేసి ఘాటు విమర్శనాస్త్రాల్ని తమ్ముళ్లు షురూ చేయటం తెలిసిందే. వీరి మాటల్లోని పదును చూసిన వారంతా.. ఏపీ తమ్ముళ్లలో విషయం ఉందే అనుకునే పరిస్థితి. అంటే.. ఏపీ నేతలు మాట్లాడగలరన్న మాట. కాకుంటే.. వారి నోటికి పని చెప్పాలంటూ అధినేత నుంచి స్పష్టమైన ఆదేశాలు అందితే చాలు చెలరేగిపోతారా? అన్న సందేహం వ్యక్తమవుతున్న వేళ.. ఏపీ ముఖ్యమంత్రి చంద్రబాబు రియాక్ట్ అయినట్లుగా చెబుతున్నారు.
 
ఏపీ ప్రత్యేక హోదా విషయంలో హ్యాండ్ ఇచ్చిన మోడీ సర్కారు తీరుపై మండిపడుతున్న తమ్ముళ్ల స్పీడ్ కు బ్రేకులు వేసినట్లుగా చెబుతున్నారు. తమ్ముళ్ల మాటల మంట ఢిల్లీకి తాకిందని.. డోస్ ఎక్కువైతే లెక్కలో తేడా వచ్చే ప్రమాదం ఉందన్న విషయాన్ని పార్టీ ముఖ్య నేతలకు చెప్పి.. ఆ విషయాన్ని తమ్ముళ్లకు చేరవేయాలని చెప్పినట్లుగా తెలుస్తోంది. తాజాగా తెలుగుదేశం ముఖ్యనేతలతో భేటీ అయిన బాబు.. బీజేపీ మీద విమర్శల డోసు తగ్గించాలన్న మాటను చెప్పినట్లుగా చెబుతున్నారు. బీజేపీ కంటే కూడా కాంగ్రెస్ మీద ఫోకస్ పెంచాలని.. వారు విభజన చట్టంలో హోదా విషయం పెడితే బాగుండేదన్న విషయాన్ని ప్రస్తావించాలని చెప్పినట్లుగా తెలుస్తోంది. అయితే.. ఇలాంటిదేమీ లేదని తెలుగు తమ్ముళ్లు కొట్టిపారేస్తున్న నేపథ్యంలో.. తమ్ముళ్లు ఎంతగా చెలరేగిపోతారన్నది చూడటం ద్వారా బాబులు బ్రేకులు వేశారో లేదా తెలుస్తుందని చెబుతున్నారు.

బసవతారకం హాస్పిటల్ కు ప్రైజ్ మనీని అందజేసిన క్రిష్

గమ్యం, వేదం, కృష్ణం వందే జగద్గురమ్ వంటి డిఫరెంట్ చిత్రాలతో తెలుగు ప్రేక్షకుల హృదయాలను గెలుచుకున్న డైరెక్టర్ జాగర్లమూడి క్రిష్ దర్శకత్వంలో వరుణ్ తేజ్ హీరోగా రూపొందిన చిత్రం కంచె. రెండో ప్రపంచ యుద్ధ నేపథ్యంలో సాగే ప్రేమకథ బ్యాక్ డ్రాప్ లో రూపొందిన ఈ చిత్రం ఉత్తమ ప్రాంతీయ చిత్రంగా గెలుపొందింది. ఈ అవార్డును మే 3న దర్శకుడు క్రిష్ రాష్ట్రపతి చేతుల మీదుగా అందుకున్నారు. ఈ అవార్డుతో వచ్చిన డబ్బును క్రిష్ బసవతారకం ఇండో అమెరికన్ క్యాన్సర్ హాస్పిటల్ కు ఆర్ధిక సాయంగా అందించారు. గతంలో కూడా ఇదే విధంగా తన పెద్ద మనసుని చాటుకున్నారు. గుంటూరు జిల్లా వినుగొండ దగ్గర కుంచెర్ల గ్రామం.

ఈ గ్రామంలో ప్రాథమిక వైద్యశాల సదుపాయం లేదు, ఎవరైనా ఓ ఎకరం భూమిని ఇస్తే హాస్పిటల్ కడతామని ప్రభుత్వం తెలియజేసినప్పుడు క్రిష్ తన పేర ఉన్న ఎకరం భూమిని ప్రభుత్వానికి ఇచ్చేశారు. ప్రభుత్వం క్రిష్ తాతయ్య జాగర్లమూడి రమణయ్య చౌదరి, సీతారామమ్మ పేరిట నెలకొల్పిన ప్రభుత్వాసుపత్రిని ఆంధ్రప్రదేశ్ ఆరోగ్యశాఖా మంత్రి కామినేని శ్రీనివాస్ ప్రారంభించారు. అదే తరహాలో ఇప్పుడు తనకు వచ్చిన ప్రైజ్ మనీని కూడా క్రిష్ బసవతారకం ఇండో అమెరికన్ క్యాన్సర్ హాస్పిటల్ కు అందజేయడం గమనార్హం. తన తల్లితో పాటు పలువురు వైద్య సదుపాయాన్ని కల్పిస్తున్న బసవతారం ఇండో అమెరికన్ హాస్పిటల్ కు ఈ డబ్బును ఇవ్వడం సంతోషంగా ఉందని క్రిష్ తెలియజేశారు

పవన్ కళ్యాణ్ ఫెక్సీలతో రాజధాని ప్రాంత రైతులు

ఏపీ రాజధానికి చెందిన కొన్ని గ్రామాలు (ఉండవల్లి.. పెనుమాక మరికొన్ని) ఏపీ సర్కారు చేస్తున్న భూసేకరణను వ్యతిరేకిస్తున్న సంగతి తెలిసిందే. 

గతంలో ఇదే అంశం మీద కొన్ని గ్రామాల వారు పెద్ద ఎత్తున నిరసన నిర్వహించటం.. దీనిపై స్పందించిన జనసేన అధినేత పవన్ కల్యాణ్.. ఆయా గ్రామాల్లో సందర్శించి.. అక్కడి వారి వాదన వినటం తెలిసిందే.ఈ సందర్భంగా భూములు ఇచ్చేందుకు ఇష్టపడే వారి వద్దనే సేకరించాలని.. ప్రభుత్వం బలవంతంగా భూముల్ని సేకరించకూడదని అల్టిమేటం ఇవ్వటం.. ఆ తర్వాత ఏపీ సర్కారు భూసేకరణను తాత్కాలికంగా వాయిదా వేయటం జరిగింది. 

అయితే.. తమ భూముల్ని ప్రభుత్వానికి అప్పగించాలంటూ  ప్రభుత్వం తమకు నోటీసులు ఇస్తుందంటూ ఉండవల్లి.. పెనుమాక రైతులు ఆవేదన వ్యక్తం చేస్తున్నారు. తమ భూముల్ని ప్రభుత్వానికి ఇవ్వాలంటూ నోటీసులు ఇచ్చిన అంశంపై పవన్ స్పందించాలంటూ వారు పవన్ ఫ్లెక్సీల్ని తమ పొల్లాల్లో వేలాడదీయటం ఇప్పుడు అందరి దృష్టిని ఆకర్షిస్తోంది

నవ్యాంధ్రకు కేంద్రం నుంచి అరకొర సహాయమే

నవ్యాంధ్రకు కేంద్రం నుంచి అరకొర సహాయమే అందిందని ముఖ్యమంత్రి చంద్రబాబు ఆక్రోశం వ్యక్తం చేశారు. బుధవారం శ్రీకాకుళంలో ఆయన ‘నీరు - ప్రగతి’ కార్యక్రమంలో పాల్గొన్నారు. కిల్లిపాలెంలో రూ. 10కోట్లతో నిర్మించిన రక్షిత నీటి పథకాన్ని ప్రారంభించారు. శ్రీకాకుళం పట్టణంలో రూ. 15కోట్ల వ్యయంతో నిర్మించనున్న కోడి రామ్మూర్తి స్టేడియం పునర్నిర్మాణ పనులకు శంకుస్థాపన చేశారు. అనంతరం జరిగిన బహిరంగ సభలో చంద్రబాబు ప్రసంగించారు. ‘‘రాష్ట్ర విభజన హేతుబద్ధంగా జరగలేదు. ఆంధ్రప్రదేశ్‌కు ప్రత్యేక హోదా, రైల్వేజోన్‌, వెనుకబడిన ప్రాంతాలకు, రాజధానికి నిధులను ఇవ్వాల్సి ఉంది. సాయం కొంతే జరిగింది. ఇంకా ఎంతో జరగాల్సి ఉంది’’ అని తెలిపారు. నవ్యాంధ్ర తలసరి ఆదాయం రూ.95వేలుంటే తెలంగాణకు రూ.1.29 లక్షలు ఉందన్నారు.

 

ఆదాయంలో తెలంగాణతో పోల్చితే ఏపీ 11శాతం వెనుక ఉందని తెలిపారు. ‘‘చాలా విషయాల్లో మనం వెనుకబడ్డాం. అందుకే ఇతర రాషా్ట్రలతో సమానంగా ఎదిగే వరకు సాయం చేయాలని కేంద్రాన్ని కోరుతున్నాం’’ అని తెలిపారు. రెండో విడత రుణమాఫీకి ఈ నెలలో రూ.3,200కోట్లు విడుదల చేస్తున్నామని ముఖ్యమంత్రి ప్రకటించారు. ప్రభుత్వం వద్ద డబ్బు లేకున్నా ప్రజల కోసం ఈ పని చేస్తున్నామన్నారు. డ్వాక్రా మహిళలకు రూ.3వేల చొప్పున ఇస్తామని, నాలుగేళ్లలో అన్ని గ్రామాల్లో సిమెంట్‌ రోడ్లు నిర్మిస్తామని తెలిపారు. ప్రతి డ్వాక్రా మహిళ నెలకు రూ. 10వేలు ఆదాయం సమకూరేలా ప్రణాళికలు తయారుచేస్తున్నామని తెలిపారు. విద్యుత్‌ విషయంలో మిగులు సాధించామని, ఈ-పాస్‌ ఏర్పాటుతో రేషన్‌ దుకాణాల్లో అవకతవకలు నిర్మూలించామని చెప్పారు. రేషన్‌ డీలర్లకు కమీషన్‌ పెంచుతామని చంద్రబాబు ప్రకటించారు. మెట్ట భూముల్లో సాగుకు వీలుగా 15వేల రెయిన్‌గన్స్‌ ఆర్డర్‌ ఇచ్చామన్నారు.

బీజేపీ మతతత్వ పార్టీ

ఆంధ్రప్రదేశ్ రాష్ట్రం విడిపోవడానికి బీజేపీనే కారణమని విజయవాడ పశ్చిమ నియోజకవర్గ ఎమ్మెల్యే జలీల్ ఖాన్ ఆరోపించారు. గురవారం విజయవాడలో జలీల్ ఖాన్ విలేకర్లతో మాట్లాడుతూ... ఇప్పుడు ఏపీకి సహాయం చేయడంలో కూడా బీజేపీ అన్యాయం చేస్తోందని విమర్శించారు. బీజేపీ మతతత్వ పార్టీ అని ఆయన అభివర్ణించారు.

తలకిందులుగా తపస్సు చేసినా ఏపీలో మాత్రం బీజేపీ బలపడదన్నారు. ప్రత్యేక హోదా కోసం ఆందోళన చేయొచ్చుకానీ ముఖ్యమంత్రి ఎన్ చంద్రబాబును మాత్రం తిట్టోద్దు అని ఆయన ప్రతిపక్షాలకు సూచించారు. కేంద్రంలో మంత్రి పదవులకు టీడీపీ నేతలు రాజీనామా చేయాల్సిన అవసరం లేదని జలీల్ ఖాన్ స్పష్టం చేశారు. ప్రత్యేక హోదాపై కొన్నాళ్లు వేచి చూస్తామని జలీల్ ఖాన్ వెల్లడించారు.

20 కోట్లు, ఎక‌రం భూమి ఆఫ‌ర్ ?

విశాఖ జిల్లా వైసీపీ ఎమ్మెల్యే బి.ముత్యాల‌నాయుడు తేదేపా నేత‌ల‌పై తీవ్ర ఆరోప‌ణ‌లు చేశారు. ఆప‌రేష‌న్ ఆక‌ర్ష్‌లో భాగంగా చిన‌బాబు లోకేష్ నాయుడు, ఎంపీ సీఎం ర‌మేష్ త‌న‌కి ఓ భారీ ఆఫ‌ర్ ఇచ్చిన‌ట్టు చెప్పారాయ‌న‌. తేదేపాలో చేరితే అమ‌రావ‌తిలో ఎక‌రం భూమి, 20 కోట్లు క్యాష్ ముట్ట‌జెపుతామ‌ని ఆఫ‌ర్ చేసిన‌ట్టు ఆరోపించారాయ‌న‌. కేవ‌లం ఇవే కావు.. భ‌విష్య‌త్‌లో కొన్ని కాంట్రాక్టులు అప్ప‌జెపుతామ‌ని ఆశ చూపార‌ని తెలిపారు. ఈ ఫిరాయింపు ప్ర‌య‌త్నం వెన‌క సీఎం చంద్ర‌బాబు ప్రోత్సాహం ఉంద‌ని అన్నారు.

ఢిల్లీ వెళ్లే ముందే నాకు ఫోన్ వ‌చ్చింది. పూర్తి విష‌యాలు మాట్లాడుకోవ‌డానికి లోకేష్‌తో భేటీ ఏర్పాటు చేస్తామ‌ని అన్నారు. సీఎం కుర్చీ ఇస్తారా? అని అడిగితే వెంట‌నే ఫోన్ పెట్టేశార‌ని ఆయ‌న అన్నారు. అయినా నేను అవినీతి ఎమ్మెల్యేగా ఉండ‌ద‌లుచుకోలేద‌ని ముత్యాల‌నాయుడు అన్నారు. బొబ్బిలి ఎమ్మెల్యే సుజ‌య రంగారావు 150 ఎక‌రాల కోసం తేదేపాలో చేరార‌ని విమ‌ర్శించారు. బాబు దిగ‌జారుడు త‌నాన్ని అస‌హ్యించుకుంటూ ఆ పార్టీకే చెందిన ఒక స‌ర్పంచ్ ప్ర‌లోభాల‌కు గుర‌వ్వ‌ద్ద‌ని త‌న‌ని హెచ్చ‌రించార‌ని ముత్యాలు తెలిపారు.

తప్పు చేయొద్దని సూటిగాన హెచ్చరించి పవన్ ?

స్నేహధర్మానికి ఒక హద్దు ఉంటుంది. అది హద్దు మీర కూడదు. తన ప్రయోజనాలన్ని పణంగా పెట్టి మిత్రధర్మాన్ని పాటించటానికి మించిన తప్పు మరొకటి ఉండదు. తాజా పరిణామాల్ని పరిశీలిస్తే ఏపీ ముఖ్యమంత్రి చంద్రబాబు తీరు ఇదే తీరులో ఉంది. మోడీతో మిత్రబంధాన్ని అంత త్వరగా వదులుకోవాలని లేని తత్వం ఒకపక్క.. మరోవైపు మోడీ అనుసరిస్తున్న వైఖరికి ఎలా రియాక్ట్ కావాలో అర్థం కాక కిందామీదా పడుతున్నారు. దేశంలో అత్యంత బలమైన నేతగా ఉన్న మోడీతో ఢీ కొట్టే శక్తిసామర్థ్యాలు ప్రస్తుతానికి తనకు లేవన్న విషయం చంద్రబాబుకు తెలియని విషయం కాదు. అలా అని రాజీ పడిపోతే.. ఏపీలో విలన్ గా మారటం ఖాయమన్న సంగతి ఆయనకు తెలుసు. ముందు చూస్తే నుయ్యి.. వెనుక చూస్తే గొయ్యి అన్న చందంగా మారింది.మోడీతో గొడవ పెట్టుకుంటే వచ్చే మూడేళ్లు ఎలాంటి పరిస్థితులు ఉంటాయో తెలీదు. అలా అని.. ఊరుకుండిపోదామా అంటే.. ఉండలేని విధంగా కేంద్ర మంత్రులు ఏపీ ప్రత్యేకహోదా మీద చేస్తున్న వ్యాఖ్యలు ఉంటున్నాయి. ఏం చేయాలి? ఎలా ముందుకు వెళ్లాలన్న విషయంలో కన్ఫ్యూజన్ కు గురి అవుతున్న చంద్రబాబుకు.. జనసేన అధినేత పవన్ కల్యాణ్ తాజాగా చేసిన వ్యాఖ్యలే సమాధానంగా చెప్పొచ్చు. బాబుకు మోడీ ఎలాంటి స్నేహితుడో.. పవన్ కు ఇంచుమించు అలాంటి దోస్తానానే ఉంది. బాబు.. పవన్ లతో కలిసి సార్వత్రిక ఎన్నికల్లో ప్రచారం చేయటం.. పవన్ మాటకు జనాల నుంచి ఎలాంటి స్పందన ఉంటుందన్న విషయం మోడీ ప్రత్యక్షంగా చూసిన విషయాన్ని మర్చిపోకూడదు. సాక్ష్యాత్తు ప్రధానమంత్రి తనకు మంచి మిత్రుడే అయినా.. ఏపీ ప్రజల ప్రయోజనాలు దెబ్బ తినే వేళ.. తాను ఏ మాత్రం ఉపేక్షించనన్న విషయాన్ని పవన్ తన ట్వీట్స్ తో తేల్చేశారు. శుక్రవారం సాయంత్రం వేళ కేంద్ర సహాయమంత్రి చౌదరి ఏపీ ప్రత్యేక హోదా మీద చేసిన వ్యాఖ్యలపై 24 గంటలు గడవక ముందే పవన్ స్పందించటం.. ప్రత్యేక హోదా విషయంలో ఏపీ ప్రజల ప్రయోజనాల్ని దెబ్బ తీసేలా నిర్ణయం తీసుకుంటే ఉద్యమం తప్పదన్న విషయాన్ని తేల్చి చెప్పటమే కాదు.. తప్పు చేయొద్దని సూటిగా హెచ్చరించారు కూడా. ఇందుకు విభజన సందర్భంలో కాంగ్రెస్ చేసిన తప్పులకు ఆ పార్టీ ఎంతటి మూల్యాన్ని చెల్లించాల్సి వచ్చిందన్న విషయాన్ని ఈ సందర్భంగా పవన్ గుర్తు చేయటం గమనార్హం. తన తాజా ట్వీట్స్ తో పవన్ తేల్చి చెప్పిన విషయం ఒక్కటే. తనకు మోడీ పరివారం మంచి మిత్రులే అయినా.. ఏపీ ప్రజల ప్రయోజనాల్ని దెబ్బ తినే పరిస్థితే ఉంటే.. ఊరుకోనని తేల్చి చెప్పేశారు. ఇంత సూటిగా ముఖ్యమంత్రి చంద్రబాబు కానీ.. విపక్ష నేత వైఎస్ జగన్ కానీ వ్యాఖ్యానించకపోవటం గమనార్హం. స్నేహతుడి విషయంలో పవన్ స్పందన మాదిరే చంద్రబాబు రియాక్ట్ అయితే తప్ప ఏపీ ప్రయోజనాలు నెరవేరవన్న విషయాన్ని గుర్తిస్తే మంచిది. లేదంటే.. బాబు సైతం తగిన మూల్యం చెల్లించాల్సి రావొచ్చు

సీఈసీకి వైకాపా అధ్యక్షుడు జగన్‌ విజ్ఞప్తి

పార్టీ ఫిరాయింపులను ప్రోత్సహించి ఆంధ్రప్రదేశ్‌లో ప్రజాస్వామ్యాన్ని ఖూనీ చేస్తున్నారని, ప్రజాస్వామ్యం అమ్ముడు కాకుండా చూడాలంటూ ప్రధాన ఎన్నికల కమిషనరు (సీఈసీ) నసీం జైదీకి ప్రతిపక్ష నేత జగన్‌ విజ్ఞప్తి చేశారు. గురువారమిక్కడ పార్టీ ఎంపీలతో కలిసి ఆయన జైదీతో భేటీ అయ్యారు. అనంతరం జగన్‌ మీడియాతో మాట్లాడారు. పార్టీ ఫిరాయించిన వారిపై అనర్హత వేటు అనేది సభాపతి పరిధి నుంచి తొలగించి ఎన్నికల కమిషన్‌ పరిధిలోకి తీసుకురావాలని కోరినట్లు తెలిపారు. ఎన్నికల మేనిఫెస్టోల్లో పార్టీలు ఇచ్చిన 10 ప్రధాన హామీలు నెరవేర్చకపోతే తర్వాత ఎన్నికల నుంచి ఆ పార్టీని బహిష్కరించాలని విజ్ఞప్తి చేశామన్నారు. ముఖ్యమంత్రి చంద్రబాబు ఎన్నికల సమయంలో ఇచ్చిన హామీలు అమలు చేయకపోవడంవల్లే ఈ డిమాండు చేసినట్లు తెలిపారు. హైదరాబాద్‌ పరిధిలోని జీహెచ్‌ఎంసీ, ఆంధ్రప్రదేశ్‌ రాష్ట్రానికి కలిపి ఒకేసారి ఎన్నికలు నిర్వహించాలని కోరామని తెలిపారు. రాష్ట్రంలో అధికార తెదేపా మిత్రపక్షం కావడంతో ప్రధాని నరేంద్ర మోదీ అపాయింట్‌మెంట్‌ ఇవ్వలేదేమోనని వ్యాఖ్యానించారు. ప్రధానికి చెప్పాలనుకున్నది పోస్టు ద్వారా పంపిస్తామని పేర్కొన్నారు. అనంతరం కేంద్ర పెట్రోలియం శాఖ మంత్రి ధర్మేంద్ర ప్రధాన్‌తో జగన్‌ భేటీ అయ్యారు.

తెదేపాలో చేరిన అరకు, శ్రీశైలం ఎమ్మెల్యేలు కిడారి, బుడ్డా

వైకాపా, కాంగ్రెస్‌ నాయకులు అభివృద్ధిని అడ్డుకుంటున్నారు. రాష్ట్రం బాగుపడితే భవిష్యత్తు ఉండదని వారికి భయం. గ్రామాలకు గ్రామాలు, మండలాలకు మండలాలు, జిల్లా జిల్లాలు కలవాలని మేం ప్రయత్నిస్తుంటే... వాటిని విడగొట్టాలని వైకాపా ప్రయత్నిస్తోంది. ఏ మాత్రం వాస్తవం లేకపోయినా రాజధానిలో లక్ష కోట్ల అవినీతి జరిగిదంటూ వైకాపా నాయకులు తప్పుడు ప్రచారం చేస్తున్నారు. రాష్ట్రాన్ని దోచుకుని జైలుకెళ్లొచ్చి... న్యాయస్థానాల చుట్టూ తిరుగుతున్న వ్యక్తి ఇప్పుడు తప్పుడు ఆరోపణలు చేస్తున్నాడు. ఇలాంటి దౌర్భాగ్యమైన నాయకులను ప్రజలు ఛీకొట్టాలి. రాష్ట్ర ప్రయోజనాలకు అడ్డం పడుతున్న ఇలాంటి వారిని దూరంగా ఉంచాలి’ అని చంద్రబాబు పేర్కొన్నారు. గురువారం విజయవాడ, గుంటూరు జిల్లా తాడేపల్లిలలో జరిగిన రెండు వేర్వేరు కార్యక్రమాల్లో అరకు, శ్రీశైలం వైకాపా ఎమ్మెల్యేలు కిడారి సర్వేశ్వరరావు, బుడ్డా రాజశేఖర్‌రెడ్డి, పెందుర్తి మాజీ ఎమ్మెల్యే గండి బాబ్జీ, ఎంపీపీలు, జెడ్పీటీసీలు, సర్పంచులు, ఎంపీటీసీలు తదితరులు చంద్రబాబు సమక్షంలో తెదేపాలో చేరారు. ఈ సందర్భంగా చంద్రబాబు మాట్లాడారు. అమరావతికి భూసేకరణ చేస్తే రూ.లక్ష కోట్ల అవినీతి జరిగిందంటూ వైఎస్‌ఆర్‌ సీపీ నేతలు తప్పుడు ప్రచారం చేస్తున్నారని, ఇంతవరకూ ఒక్క ఎకరా అమ్మనప్పుడు అవినీతి ఎలా జరుగుతుందని ఆయన ప్రశ్నించారు.

జగన్ పార్టీ ‘పిల్ల కాంగ్రెస్ ?

వైఎస్సార్ కాంగ్రెస్ పార్టీ అధినేత వైఎస్ జగన్ వ్యవహారమే తీసుకుందాం. కాంగ్రెస్ అధినేత్రి సోనియాగాంధీ.. కాంగ్రెస్  యువరాజు రాహుల్ తో ఏ మాత్రం సత్ సంబంధాలు లేకపోవటం.. తాను కోరుకున్నట్లుగా తనకు ఏపీ ముఖ్యమంత్రి పదవి ఇవ్వకపోవటంతో కాంగ్రెస్ నుంచి బయటకు వచ్చేసి వైఎస్సార్ కాంగ్రెస్ పార్టీ అంటూ తండ్రి పేరు.. మాతృపార్టీ పేరు మిస్ కాకుండా పెట్టుకోవటం కనిపిస్తుంది.

ఈ కారణంతోనే జగన్ పార్టీని ఉద్దేశించి.. ఆయన రాజకీయ ప్రత్యర్థులు ‘పిల్ల కాంగ్రెస్’ అంటూ పోలుస్తూ ఎటకారం చేసుకుంటుంటారు. దీనికి తగ్గట్లే వైఎస్సార్ కాంగ్రెస్ పార్టీ ఎమ్మెల్యే కె. నారాయణ స్వామి తాజాగా చేసిన వ్యాఖ్యలు ఇదే రీతిలో ఉండటం గమనార్హం. తాజాగా ఏపీ ముఖ్యమంత్రి చంద్రబాబు చేపట్టిన ఆపరేషన్ ఆకర్ష్ నేపథ్యంలో పార్టీలో చోటు చేసుకుంటున్న పరిణామాలపై నారాయణ స్వామి స్పందిస్తూ.. జగన్ ప్రస్తుత పరిస్థితిని దివంగత ప్రధాని ఇందిరాగాంధీతో పోల్చటం విశేషం.

గతంలో ఇందిరమ్మను వ్యతిరేకిస్తూ పలువురు కాంగ్రెస్ నేతలు పార్టీ వదిలేసి వెళ్లిపోయారని.. అప్పుడు ఇందిరమ్మ పోరాడి విజయం సాధించారని.. అదే తీరులో ఇప్పుడు కొందరు స్వార్థంతో జగన్ ను విడిచి పెట్టి వెళుతున్నట్లుగా వ్యాఖ్యానించారు. నాడు ఇందిర మాదిరే నేడు జగన్ కూడా పోరాడుతున్నారని.. చివరకు ఆయనదే విజయమన్న ఆశాభావాన్ని వ్యక్తం చేశారు. బాబును నమ్మి పార్టీ విడిచిపెట్టి వెళ్లిన వారు రెండింటికి చెడ్డ రేవడి కావటం ఖాయమని నారాయణ స్వామి శాపాలు పెట్టటం గమనార్హం. జగన్ ను పోల్చటానికి నారాయణస్వామికి ఇందిరమ్మ తప్పించి మరెవరూ దొరకలేదా? పాత గురుతులు అంత తేలిగ్గా పోవు కదా..?

తెలుగుదేశం పార్టీలో చేరేందుకు సర్వం సిద్ధం ?

మాజీ మంత్రి కొణతాల రామకృష్ణ సైకిలెక్కడం ఎందుకు ఆలస్యం అయింది? ఆయన కీలక అనుచరులైన పాడేరు ఎమ్మెల్యే కిడారి సర్వేశ్వరరావు - పెందుర్తి మాజీ ఎమ్మెల్యే గండి బాబ్జీలు పసుపు కండువా కప్పుకొన్నప్పటికీ కొణతాల ఆగిపోయారంటే పార్టీ మారడం వాయిదా పడినట్లేనా?  లేదా త్వరలో ప్రత్యేక ముహుర్తం ఉంటుందా? అంటే తెలుగుదేశం శ్రేణులు ఆసక్తికరమైన సమాధానం ఇస్తున్నాయి.

కొణాతాలతో పాటే పాడేరు ఎమ్మెల్యే కిడారి సర్వేశ్వరరావు- పెందుర్తి మాజీ ఎమ్మెల్యే గండి బాబ్జీలు ఒకేసారి చేరాలని భావించారు. అయితే ఈ చేరికలో జాప్యం జరిగింది. వ్యూహం ప్రకారమే ముందుగా తన అనుచరులను పంపించి.. ఆ తరువాత ప్రత్యేక ముహూర్తంలో కొణతాల పార్టీలో చేరతారని ప్రచారం జరుగుతోంది. ఇందుకోసం కొంత సమయం పట్టవచ్చని చెబుతున్నారు. దాదాపు వచ్చే ఎన్నికల వరకు ఆయన తటస్థంగానే ఉండాలని నిర్ణయించినట్లు సమాచారం.

బాబ్జీ - కిడారితోపాటు కొణతాలను కూడా పార్టీలో చేర్చుకోవాలని తెదేపా అధిష్ఠానం యోచించినా ఆయన ప్రస్తుతానికి వెనక్కి తగ్గారు. దీంతో సర్వేశ్వరరావు - గండి బాబ్జీ చేరికకు మాత్రం పచ్చజెండా ఊపినట్లు తెలుస్తోంది. తగిన సమయంలో తన నిర్ణయాన్ని ప్రకటిస్తానని కొణతాల తెలుగుదేశం పార్టీ ముఖ్యనేతల వద్ద అన్నట్లు తెలిసింది. దీంతో సర్వేశ్వరరావు - బాబ్జీల చేరికకు సిద్ధమైపోయారు. ఈ మొత్తం వ్యవహారంలో మంత్రి అయ్యన్నపాత్రుడు క్రియాశీలకంగా వ్యవహరించారు. ఆరు నెలల క్రితమే ముఖ్యమంత్రిని కొణతాల కలిసే ఏర్పాట్లు చేసిన విషయం విదితమే. ఆయన రాకపై అప్పట్లోనే తెదేపాలో భిన్నాభిప్రాయాలు వ్యక్తం కావడం మరో మంత్రి గంటా శ్రీనివాసరావు ఆధ్వర్యంలో పలువురు ఎమ్మెల్యేలు సమావేశమై వ్యతిరేకించడం చోటుచేసుకున్నాయి. దీంతో రామకృష్ణ తన నిర్ణయాన్ని ప్రకటించకుండా వాయిదా వేసుకుంటూ వచ్చారు.

జ‌గ‌న్‌కు షాక్ ఇచ్చిన మైసూరా…రాజీనామా లేఖ‌

షాకుల మీద షాకులు తగులుతున్న వైఎస్సార్ కాంగ్రెస్ అధినేత వైఎస్ జగన్మోహన్ రెడ్డికి ఊహించని షాక్ తగిలింది. పార్టీ సీనియర్ నేత.. వ్యూహకర్తల్లో ముఖ్యులుగా చెప్పే మైసూరారెడ్డి పార్టీకి రాజీనామా చేయనున్నట్లుగా వార్తలు వస్తున్నాయి. పార్టీలో తనకు తగినంత ప్రాధాన్యత దక్కటం లేదన్న వేదనతో ఉన్న మైసూరా.. పార్టీ నుంచి వీడిపోవటానికి ఇదేసరైన సమయంగా భావిస్తున్నట్లు తెలుస్తోంది.

ఆపరేషన్ ఆకర్ష్ తో రోజురోజుకీ బలోపేతం అవుతున్న చంద్రబాబు ధాటికి జగన్ విలవిలలాడిపోతున్నారు. తన చేతిలో ఉన్న ఎమ్మెల్యేల్ని కాపాడుకోవటంలో జగన్ నేర్పుగా వ్యవహరించటం లేదన్న విమర్శలు ఉన్నాయి. వీటిన్నింటికి తోడు జగన్ వ్యవహారశైలి పట్ల పలువురు నేతలు తీవ్ర అసంతృప్తితో ఉన్నారు. ప్రస్తుతం ఉన్న అంచనాల ప్రకారం మరికొన్నేళ్ల పాటు తెలుగుదేశం పార్టీకి ఏపీలో తిరుగులేదన్న భావన వ్యక్తమవుతోంది. ఇది జగన్ పార్టీ నేతల్ని ఆందోళనకు గురి చేస్తోంది. ఈ నేపథ్యంలో ఎవరికి ఏ మాత్రం అవకాశం చిక్కినా సైకిల్ ఎక్కేందుకు వదిలిపెట్టటం లేదు.

ఇందులో భాగంగానే తాజాగా మైసూరారెడ్డి పార్టీ వీడాలని భావిస్తున్నట్లు తెలుస్తోంది. తన రాజీనామా లేఖను జగన్ కు పంపంటంతో పాటు.. తాను పార్టీ ఎందుకు వీడిపోవాలన్న విషయాన్ని ఆ లేఖలో మైసూరా స్పష్టం చేస్తారని చెబుతున్నారు. 

ముద్ర‌గ‌డ ప‌ద్మ‌నాభం వ్యూహం ఏంటి?

తుని ఘ‌ట‌న‌తో అత‌డి పాపులారిటీ కాపుల్లో ఓ రేంజులో పెరిగింద‌న‌డంలో అతిశ‌యోక్తి లేదు. ఈయ‌న మొండోడు. ఏదైనా సాధిస్తాడు.. పంతం నెగ్గించుకుంటాడు.. అని చంద్ర‌బాబుకే అర్థ‌మైంది. భ‌విష్య‌త్‌లో అత‌డి వ‌ల్ల టీడీపీకి థ్రెట్ ఉంద‌ని బాబుకు ముందే అర్థ‌మై కాపు కార్పొరేష‌న్‌కి త‌క్ష‌ణం 500 కోట్లు కేటాయించాడు. అయితే ఆ డ‌బ్బు ముట్టిన తర్వాత ఉద్య‌మం విర‌మించుకున్న ముద్ర‌గ‌డ మ‌ళ్లీ ఇప్పుడు కొత్త పాట పాడుతున్నారు.

జూన్ త‌ర్వాత ఉద్య‌మం మ‌లిద‌శ ప్రారంభ‌మ‌వుతుంద‌ని ముద్ర‌గ‌డ అధికారికంగా ప్ర‌క‌టించారు. దీంతో బాబుకు ముందుంది ముస‌ళ్ల పండుగ అన్న హెచ్చ‌రిక జారీ అయిన‌ట్టే. అయితే సేమ్ టైమ్ అత‌డు జ‌గ‌న్‌ని, ప‌వ‌న్‌ని వ్యూహాత్మ‌కంగా టార్గెట్ చేశాడు. జ‌గ‌న్ నాకు స‌ల‌హాలిచ్చేటంత‌టివాడా? అంటూ ప్ర‌శ్నించి.. త‌న ఉద్య‌మాల వెన‌క జ‌గ‌న్ లేనేలేడ‌ని చాటాడు. ఇక ప‌వ‌న్ వ‌చ్చేదేంటి? మాకు మ‌ద్ద‌తిచ్చేదేంటి? మేం చేత‌కాని వాళ్ల‌మా? అయినా ప‌వ‌న్‌ని ఉద్య‌మానికి స‌పోర్టు చేయ‌మ‌ని పిల‌వ‌లేదే.. అంటూ ఘాటుగానే మాట్లాడారాయ‌న‌. ఇదంతా ఈ సీనియ‌ర్ నేత వ్యూహాత్మ‌క ఎత్తుగ‌డ అని చెప్పుకుంటున్నారు.